कक्षा १२ को नतिजा छिटो, तर ‘ओजेटी’ अझै बाँकी

काठमाडौँ । शिक्षा तथा खेलकुद मन्त्री सस्मित पोखरेलले कक्षा १२ को नतिजा छिटो प्रकाशन गर्ने निर्देशन दिँदा कक्षा १२ प्राविधिक धारतर्फका विद्यार्थीहरू मर्कामा परेका छन् । कक्षा १२ को प्राविधिक धारतर्फ उत्तीर्ण विद्यार्थीहरू यस वर्ष इच्छित विषयमा उच्च शिक्षा अध्ययन गर्न पाउने अवसरबाट वञ्चित हुने सम्भावना देखिएको छ ।

शिक्षा तथा खेलकुदमन्त्री सस्मित पोखरेलको निर्देशनमा राष्ट्रिय परीक्षा बोर्ड कक्षा १२ ले कक्षा १२ को नतिजा ४० दिनभित्रै सार्वजनिक गरेको थियो । पोखरलले नतिजा यथाशीघ्र प्रकाशनलाई उपलब्धिका रूपमा प्रस्तुत गर्दै आएका छन् । बोर्डका अनुसार यस्ता पीडित विद्यार्थीको सङ्ख्या १० हजारको हाराहारीमा छ ।