कपिलवस्तुमा दुई बस जुध्दा २४ जना घाइते

पूर्व पश्चिम राजमार्ग अन्तर्गत कपिलवस्तुको वाणगंगा नगरपालिका-७ घेरुवाबनगाइमा मंगलबार दिउँसो दुई बस एकआपसमा जुध्दा २४ जना घाइते भएका छन्।

बुटवलबाट दाङतर्फ जाँदै गरेको लु १ ख ९०७७ नम्बरको बस र विपरीत दिशाबाट आउँदै गरेको लु १ ख ९८७६ नम्बरको बस ठोक्किएर सो दुर्घटना भएको हो। घाइतेहरूलाई सामुदायिक अस्पताल पिपरामा उपचारका लागि पठाइएको प्रहरीले जनाएको छ।