मनसुनमा सडक सुचारु राख्न विशेष कार्ययोजनाः देशैभर हेभी उपकरण तैनाथ

काठमाडौँ । मनसुनको समयमा आउन सक्ने बाढी र पहिरोका कारण अवरुद्ध हुन सक्ने सडक तथा राजमार्गहरूलाई तत्काल सञ्चालनमा ल्याउन सडक विभागले देशैभर विशेष तयारी गरेको छ ।

विभागले देशभरका रणनीतिक र बढी जोखिम भएका स्थानहरूमा पहिरो पन्छाउने उपकरण तथा प्राविधिक जनशक्ति उच्च सतर्कताका साथ परिचालन गरेको हो । सडक विभागका उपमहानिर्देशक एवं प्रवक्ता श्यामबहादुर खड्काका अनुसार अत्यधिक सवारी चाप र पहिरोको उच्च जोखिम रहेको पृथ्वी राजमार्गको नागढुङ्गा–मुग्लिन सडक खण्डमा विशेष सतर्कता अपनाइएको छ ।