नक्कली भुटानी शरणार्थी प्रकरणमा बालकृष्ण खाँणलाई २ वर्ष जेल सजाय

काठमाडौं । नक्कली भुटानी शरणार्थी प्रकरणमा पूर्वगृहमन्त्री तथा नेपाली कांग्रेसका नेता बालकृष्ण खाँणलाई जिल्ला अदालत काठमाडौंले दुई वर्ष कैद र २० हजार रुपैयाँ जरिवानाको सजाय सुनाएको छ।

मंगलबार सजाय निर्धारणका लागि भएको सुनुवाइपछि न्यायाधीश तेजबहादुर खड्काको इजलासले खाँणलाई विभिन्न कसुरमा छुट्टाछुट्टै सजाय तोकेको हो।