आत्मदाहको शृङ्खला: निराशाको आगोमा समाज र राज्य

नेपालले पछिल्ला केही दिनयता अत्यन्तै दुःखद र अस्वाभाविक घटनाहरूको शृङ्खला देखिरहेको छ। असार २५ गते काठमाडौंको त्रिपुरेश्वरस्थित राहदानी विभागअगाडि मुगुका २५ वर्षीय गणेश नेपालीले आफ्नै शरीरमा पेट्रोल खन्याएर आगो लगाए।

उनको उपचारका क्रममा निधन भयो। त्यसको भोलिपल्ट सर्लाहीको गोडैता नगरपालिकाका विवेक मण्डलले पनि आत्मदाहको प्रयास गरे। शरीरको अधिकांश भाग जलेका उनको पनि कीर्तिपुर बर्न अस्पतालमा उपचारकै क्रममा मृत्यु भयो।