रायमाझीलाई चार र खाँडलाई दुई वर्ष कैद‚ अरूलाई कति?

काठमाडौँ। काठमाडौँ जिल्ला अदालतले नक्कली भुटानी शरणार्थी प्रकरणमा पूर्वउप्रधानमन्त्री टोपबहादुर रायमाझीलाई चार वर्ष कैद र ४० हजार जरिवाना तोकेको छ।

न्यायाधीश तेजबहादुर खड्काको इजलासले मंगलबार नक्कली भुटानी शरणार्थी प्रकरणका दोषीहरूलाई सजाय तोकेको हो। रायमाझीलाई एकीकृत कसुरमा चार वर्ष कैद र ४० हजार जरिवाना तोकिएको हो। उनलाई ठगीमा दुई वर्ष कैद र २० हजार रुपैयाँ जरिवाना‚ संगठित अपराधमा तीन वर्ष कैद र ३० हजार रुपैयाँ जरिवाना एवं राज्यविरुद्धको कसुरमा डेढ वर्ष कैद र १५ हजार रुपैयाँ जरिवाना तथा सोही कसुरमा थप ६ महिना कैद तोकिएको हो।