नक्कली शरणार्थी प्रकरणमा मतियारदेखि संगठित अपराधसम्म, कसको कसुर कस्तो ?

काठमाडौं । नक्कली भुटानी शरणार्थी प्रकरणमा काठमाडौं जिल्ला अदालतले पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाँण र पूर्वगृहसचिव टेकनारायण पाण्डेसहित १५ जनालाई जेल सजाय र जरिबानाको सजाय सुनायो । अदालतले दोषी ठहर भएका सबै प्रतिवादीलाई फरकफरक कसुरमा छुट्टाछुट्टै सजाय तोकेको छ ।

सजाय ठहर गर्दा धेरै कैद हुने भए पनि जुन कसुरमा सबैभन्दा बढी कैद सजाय तोकिएको छ प्रतिवादीले सोही सजाय भुक्तान गरे पुग्ने अदालतका अधिकारीले बताएका छन् । कैदमा माथिल्लो हद कायम हुने भए पनि जरिबाना भने सबै हिसाब गरेर असुल गर्नुपर्छ ।