प्रेमीसँग मिलेर डेढ लाखको सुपारी, श्रीमान्‌को विभत्स ह*त्या

कैलालीमा एक महिलाले प्रेमीसँग मिलेर आफ्नै श्रीमान्को हत्या गरेको घटना सार्वजनिक भएको छ। लम्कीचुहा नगरपालिका–१० की यमुना सुनारले प्रेमीको सहयोगमा श्रीमान् ३४ वर्षीय दीपक सुनारको हत्या गर्न डेढ लाख रुपैयाँको सुपारी दिएको प्रहरीले जनाएको छ।

प्रहरीका अनुसार श्रीमान्को हत्या गरेपछि प्रमाणसमेत नष्ट गर्ने योजना बनाएकी यमुनाले सुरुमा दीपक सम्पर्कविहीन भएको भन्दै खोजीको नाटक गरेकी थिइन्। साउन २२ गते साँझ उनले श्रीमान् हराएको भन्दै इलाका प्रहरी कार्यालय लम्कीमा खबर गरेकी थिइन्। पछि खोजीका लागि प्रहरीमा उजुरी दिनुका साथै सञ्चारमाध्यममार्फत समेत रुँदै श्रीमान्को खोजी गरिदिन आग्रह गरेकी थिइन्।