पहिलो हाफ सकिँदा स्पेनको अग्रता, ओयारजाबालको पेनाल्टी गोलमा फ्रान्स पछि

काठमाडाैँ । फिफा विश्वकप २०२६ को पहिलो सेमिफाइनल खेल अन्तर्गत पहिलो हाफको खेल समाप्त भएको छ । डलासको स्टेडियममा भइरहेको रोमाञ्चक भिडन्तमा स्पेनले फ्रान्सविरुद्ध १–० को सुरुवाती अग्रता कायम राखेको छ । खेलको २२ औँ मिनेटमा स्पेनका स्ट्राइकर मिकेल ओयारजाबालले पेनाल्टीमार्फत गरेको गोल नै पहिलो हाफसम्म निर्णयक बनेको छ।

पहिलो हाफमा दुवै टोलीले सुरुदेखि नै आक्रामक र दबाबपूर्ण खेल प्रदर्शन गरेका थिए। खेलको २२ औँ मिनेटमा स्पेनले पेनाल्टीको अवसर प्राप्त गर्‍यो, जसलाई ओयारजाबालले सहजै गोलमा परिणत गर्दै टोलीलाई अग्रता दिलाए । जारी विश्वकपको सामान्य खेलको समय भित्र प्रहार गरिएको यो २१ औँ पेनाल्टी हो । यस प्रतियोगितामा प्रहार गरिएका कुल २१ पेनाल्टीमध्ये हालसम्म १५ वटा गोलमा परिणत भएका छन् भने बाँकी ६ वटा पेनाल्टी मिस भएका वा गोलरक्षकहरूले बचाएका छन् ।