भोटेकोसी बाढीपीडितका लागि ग्लोबल आईएमईको ५ करोड सहयोग

काठमाडौं । ग्लोबल आईएमई बैंकले भोटेकोसी नदीमा आएको विनाशकारी बाढीबाट प्रभावित नागरिकको राहत, उद्धार र पुनर्स्थापनाका लागि ५ करोड रुपैयाँ सहयोग गर्ने घोषणा गरेको छ।

बैंकले उक्त रकम प्रधानमन्त्री दैवी प्रकोप उद्धार कोषमा जम्मा गर्ने जनाएको छ। सहयोगबाट बाढीमा बेपत्ता भएकाको खोजी, घाइतेको उपचार, प्रभावित परिवारलाई तत्काल राहत तथा क्षतिग्रस्त संरचनाको पुनर्निर्माणमा योगदान पुग्ने बैंकको अपेक्षा छ।