चोरीको मोटरसाइकल शाखा अधिकृतको घरबाट बरामद

चन्द्रपुर । चोरी भएको मोटरसाइकल शाखा अधिकृतको घरबाट बरामद भएको छ । मोटरसाइकलमा जडान गरिएको जीपीएसले देखाएको लोकेसन पछ्याउँदै प्रहरी रौतहटको कटहरिया नगरपालिका–५ स्थित एक शाखा अधिकृतको घरसम्म पुगेको छ।

जिल्ला प्रहरी कार्यालय रौतहटका प्रवक्ता डीएसपी बसन्त गौतमका अनुसार उक्त घरबाट चोरीको मोटरसाइकल बरामद गर्नुका साथै शाखा अधिकृतका १४ वर्षीय छोरासहित दुई जनालाई पक्राउ परेका छन् ।