अन्तर्राष्ट्रिय उडान पर्खाइमा पोखरा: अपेक्षा बढी, लाभ कम

पोखरामा अन्तर्राष्ट्रिय विमानस्थल आवश्यक रहेको भन्दै पोखराले लामो समय सरकार गुहारिरह्यो। बारम्बारका माग र अनुरोधलाई पनि त्यो बेला सरकारले बेवास्ता गरेपछि २०६९ भदौमा आन्दोलन घोषणा गर्दै रिले अनशन थालियो। विमानस्थल बनाउन दबाब दिने उद्देश्यका साथ २०६९ भदौ ७ गतेबाट पोखराले रिले अनशन पनि सुरु गर्‍यो।

पोखराको पुरानो विमानस्थलको मूल गेटअगाडि झन्डै तीन महिना चलेको अनशन २०६९ मंसिर २ गते तोडियो। १५३औं शृंखलामा अनशन तोडिएको अनशनमा राजनीतिक दल, पर्यटन क्षेत्र, साहित्य क्षेत्र, शिक्षा, स्वास्थ्य सबैको साथ थियो।