शंकास्पद पार्किङबारे मनिष झा- यस्तो बचपना देखाएर राजकाज चल्छ ?

राष्ट्रिय स्वतन्त्र पार्टी (रास्वपा)का नेता मनिष झाले विभिन्न सञ्चार गृह तथा नेताहरूको निवास अगाडि शंकास्पद रूपमा गाडी राखेर अवरोध सिर्जना गरिएको घटनाप्रति आपत्ति जनाएका छन् । सामाजिक सञ्जाल फेसबुकमार्फत आफ्नो धारणा सार्वजनिक गर्दै नेता झाले यस किसिमको कार्यलाई 'बचपना' र 'स्तरहीन' हर्कतको संज्ञा दिएका हुन् ।

सोमबार प्रमुख प्रतिपक्षी दलका नेताको निवास तथा विभिन्न मिडिया हाउसका गेट अगाडि शंकास्पद सवारीसाधन पार्किङ गरिएको थियो । नेता झाले यसमा संलग्नहरूमाथि कडा अनुसन्धान र कारबाहीको माग गरेका छन्।