अर्थमन्त्रीमाथि प्रधानमन्त्रीको अविश्वास, सेयर बजारले नै नयाँ सरकार नपत्याएपछि तनाव

काठमाडौं । सेयर बजारमा निराशा चुलिएको छ। लगानीकर्ताहरु अत्तालिने स्थिति बनिरहेको छ। किन सेयर बजारले उचाई लिन सकेन? बहस चलिरहेका छन्। तर, सेयर बजारमा हुने इन्साडर ट्रेडिङदेखि खेलाडीहरुमाथिको निगरानी थप बढेपछि सेयर बजारले आफ्नो आकार लिन लागेको चर्चा समेत नचलेको होइन तर, सरकारले सेयर बजारको विकासका निम्ति पर्याप्त योजना ल्याउन नसक्दा स्थिति भने भयावह बन्दै गएको छ ।

नयाँ सरकार गठनपश्चात सेयर बजारको ओरालो रोकिन सकेको छैन्। सरकारले बजेट ल्याउदा सेयर बजारका निम्ति छुट्टै व्यवस्था नगर्नु र मौद्रिक नीतिमा समेत बजेटलाई नै निरन्तरता दिने गरि विशेष कार्यक्रम नआउनुले सेयर बजारको ओरालो डरलाग्दो बन्न पुगेको छ।