निष्क्रिय बैंक खाता अनलाइनबाट पनि बन्द गर्न सकिने

काठमाडौं । बैंक तथा वित्तीय संस्थामा लामो समयदेखि नचलाएर निष्क्रिय भएका खाता अब अनलाइन या बैंकका जुनसुकै शाखाबाट पनि बन्द गर्न पाइने भएको छ। यसका लागि राष्ट्र बैंकले बैंक तथा वित्तीय संस्थालाई निर्देशन दिइसकेको छ।

यसअघि खाता बन्द गर्न ग्राहक खाता खुलेकै शाखामा जानुपर्ने र अनलाइनमार्फत गर्न नसक्ने व्यवस्था छ। यसले ग्राहकलाई अप्ठ्यारो परेको भन्दै राष्ट्र बैंकले खाता बन्दको प्रक्रियालाई सरल बनाउन भनेको हो।