सञ्चार गृह अगाडिको गाडी पार्किङबारे मनिष झा- यस्तो बचपनाले राजकाज चल्छ?

काठमाडौं । राष्ट्रिय स्वतन्त्र पार्टी (रास्वपा) का नेता मनिष झाले विभिन्न सञ्चार गृह तथा सार्वजनिक स्थानहरूमा शंकास्पद ढंगले सवारीसाधन राखेर अवरोध सिर्जना गरिएको घटनाप्रति आपत्ति जनाएका छन्। बुधबार सामाजिक सञ्जालमार्फत आफ्नो धारणा राख्दै उनले राज्यले नागरिकलाई सुरक्षाको प्रत्याभूति दिई चिन्ता निराकरण गर्नुपर्नेमा उल्टै आतङ्कित पार्ने काम गरेको भन्दै आलोचना गरेका हुन्।

नेता झाले यस्तो स्तरहीन र बचपनापूर्ण गतिविधिले राजकाज चलाउन नसकिने बताउँदै संलग्न जोसुकैलाई पनि तत्काल अनुसन्धान गरी कारबाही गर्न माग गरेका छन्।