पाटन स्वास्थ्य विज्ञान प्रतिष्ठानमा मेडिकल अफिसरका लागि जागिर खुल्यो

काठमाडौँ । पाटन स्वास्थ्य विज्ञान प्रतिष्ठानले मेडिकल अफिसर पदका लागि दरखास्त आह्वान गरेको छ। प्रतिष्ठानले बुधबार एक सूचना जारी गर्दै कार्यसम्पादन सम्झौता (करार) को आधारमा पदपूर्ति गर्न योग्य नेपाली नागरिकहरूबाट आवेदन मागेको हो।

यो पदका लागि न्यूनतम योग्यता मान्यता प्राप्त शिक्षण संस्थाबाट एमबीबीएस उतीर्ण गरेको र नेपाल मेडिकल काउन्सिलमा दर्ता भएको हुनुपर्नेछ। तोकिएको योग्यता पुगेका इच्छुक उम्मेदवारहरूले आफ्ना शैक्षिक प्रमाणपत्रहरू, व्यक्तिगत विवरण (बायोडाटा), हालसालै खिचिएको पासपोर्ट साइजको फोटो र कभरिङ लेटरसहित आवेदन फाराम बुझाउनुपर्नेछ।