दुई महिनामा १० सहकारीका बचतकर्ता लाभान्वित, साढे २ करोडभन्दा बढी रकम फिर्ता

काठमाडौं- समस्याग्रस्त सहकारीका १ हजार ७५४ बचतकर्ताले पछिल्ला दुई महिनामा करिब २ करोड ६४ लाख रुपैयाँ बचत फिर्ता पाएका छन्।

समस्याग्रस्त सहकारी व्यवस्थापन समितिका अनुसार संघीय सरकारले समस्याग्रस्त घोषणा गरेका १० सहकारीका बचतकर्तालाई चक्रीय कोषमार्फत रकम फिर्ता गरिएको हो। यस अवधिमा १५४ ऋणीबाट ४ करोड ३२ लाख रुपैयाँभन्दा बढी कर्जा असुली गरिएको छ।