ललितपुरमा रोकेर राखेको ट्रकमा मोटरसाइकल ठोक्कियो, चालकको मृत्यु

काठमाडौँ । ललितपुरको धोविघाटमा रोकेर राखेको ट्रकमा मोटरसाइकल ठोक्किँदा एक जनाको मृत्यु भएको छ । मंगलबार राति ८ बजेतिर सानेपाबाट नख्खुतर्फ जाँदै गरेको बा.७५ प ८७० नम्बरको मोटरसाइकल सडकमा रोकेर राखेको बागमती प्रदेश ०३–००१ ख २०१५ नम्बरको ट्रकमा ठोक्किएको हो ।

दुर्घटना हुँदा गम्भीर घाइते भएका मोटरसाइकल चालक धादिङको धुनिवेशी बस्ने २० वर्षीय रितेश श्रेष्ठको उपचारको क्रममा मृत्यु भएको उपत्यका ट्राफिक प्रहरी कार्यालयका एसपी नरेश सुवेदीले रातोपाटीलाई बताए । दुर्घटनामा गम्भीर घाइते भएपछि उनलाई मेडिसिटी अस्पतालमा पठाइएको थियो ।