सञ्चारगृहअघि गाडी राख्ने कार्यप्रति मनिष झाको आपत्ति

काठमाडौँ । सत्तारूढ राष्ट्रिय स्वतन्त्र पार्टी (रास्वपा)का नेता मनिष झाले सञ्चारगृह तथा अन्य स्थानमा गाडी राख्ने गरिएको गतिविधिप्रति आपत्ति जनाउँदै सरकारको कार्यशैलीमाथि प्रश्न उठाएका छन्।

सोमबार सामाजिक सञ्जालमार्फत प्रतिक्रिया दिँदै झाले नागरिकको सुरक्षा सुनिश्चित गर्नु र उनीहरूको समस्या समाधान गर्नु राज्यको प्रमुख दायित्व भएको बताएका छन्। राज्यका निकायले नागरिकमा विश्वास र सुरक्षा अनुभूति दिलाउनु पर्नेमा उल्टै त्रास र असुरक्षाको वातावरण सिर्जना गर्ने गतिविधि उचित नभएको उनको भनाइ छ।