‘आधा सिलिण्डरले खर्च दोब्बर भयो, सरकारले कुरा सुनेन’

काठमाडौँ । नेपाल एलपी ग्यास उद्योग संघका अध्यक्ष दिवान चन्दले सरकारले ल्याएको आधा सिलिण्डर (७.१ केजी) को नीति र त्यससँग सम्बन्धित खर्च व्यवस्थापनमा चासो नदेखाउँदा ग्यास उद्योगीहरू मर्कामा परेको बताएका छन् ।

प्रतिनिधि सभा अन्तर्गतको उद्योग तथा वाणिज्य र श्रम तथा उपभोक्ता हित समितिको बैठकमा बुधबार बोल्दै चन्दले यस्तो गुनासो गरेका हुन् ।