विभिन्न निर्देशनालयसहित केन्द्र खारेज गर्ने कर्णाली सरकारको निर्णय

कर्णाली प्रदेश सरकारले निर्देशनालयको नाम हेरफेर, खारेजी तथा तालिम केन्द्रहरू खारेज गरी कर्णाली प्रदेश प्रशिक्षण प्रतिष्ठानबाट कार्यसम्पादन गर्ने निर्णय गरेको छ ।

मुख्यमन्त्री तथा मन्त्रिपरिषद्को कार्यालय कर्णाली प्रदेश वीरेन्द्रनगर, सुर्खेतमा आज बसेको मन्त्रिपरिषद् बैठकले उक्त निर्णय गरेको प्रदेश सरकारका प्रवक्ता एवं भूमि व्यवस्था, कृषि तथा सहकारीमन्त्री विनोदकुमार शाहले जानकारी दिए । यसअघि गत २८ जेठमा बसेको प्रदेश सरकारको मन्त्रिपरिषद् बैठकले ६ निर्देशनलाय र ३ केन्द्र पुनःसंरचना गर्ने निर्णय गरेको उनले बताए ।