भारतको कनेक्टिभिटी रणनीतिमा विविधीकरणको खोजी

विगत दुई दशकदेखि इरानको चाबहार बन्दरगाह अफगानिस्तान र मध्य एसियासँग जोडिने भारतको रणनीतिको केन्द्रविन्दु रहँदै आएको छ। पाकिस्तानले जमिनको बाटो नदिएपछि भारतले चाबहार बन्दरगाह र अफगानिस्तानको जरन्ज-डेलाराम राजमार्ग निर्माणमा ठुलो लगानी गरेको हो । हालै अमेरिकी प्रतिबन्धको छुट अवधि सकिनुअघि भारतले आफ्नो प्रतिवद्धता बमोजिमको १२ करोड डलर भुक्तानी गरेर यसको महत्त्वलाई पुनः पुष्टि पनि गरेको भारतीय सञ्चार माध्यमहरूले जनाएका छन् ।

तर, हालै अमेरिकाले इरानमाथि गरेको ताजा सैन्य आक्रमणमा चाबहार बन्दरगाह क्षेत्रसमेत निसानामा परेपछि भूराजनीतिक संकटले जुनसुकै बेला व्यापारिक मार्ग अवरुद्ध हुनसक्ने पाठ भारतले पाएको छ। त्यसैले नयाँ दिल्लीले अब चाबहारमा मात्र निर्भर नरही आफ्नो कनेक्टिभिटीलाई विविधीकरण गर्ने रणनीति लिएको समाचारमा उल्लेख छ ।