शरीरमा पेट्रोल छर्किएर आत्मदाह प्रयास गरेका रौतहटका युवकलाई काठमाडौँ ल्याइयो, वीर अस्पतालमा उपचार जारी

काठमाडौँ- रौतहटमा आत्मदाहको प्रयास गरेका गौतमकुमार सहनीलाई काठमाडौँ ल्याइएको छ। शरीरमा पेट्रोल छर्केर आत्मदाहको प्रयास गरेका उनको अहिले वीर अस्पतालमा उपचारमा जारी छ। उनको जलन विशेषज्ञ डा।अपार लामिछानेको नेतृत्वमा आईसीयूमा उपचार भइरहेको वीर अस्पतालका प्रवक्ता डा‍.प्रकाश बुढाथोकीले रातोपाटीलाई जानकारी दिए ।

मंगलबार राति करिब १ बजे गरुडा नगरपालिका–९ गम्हरियाका २८ वर्षीय गौतमकुमार सहनीले आफ्नै शरीरमा पेट्रोल छर्केर आगो लगाएको प्रहरीले जनाएको छ । इलाका प्रहरी कार्यालय गरुडाका प्रमुख डिएसपी शंकरप्रसाद आचार्यका अनुसार गौतम केही दिनयता मानसिक तनाव तथा डिप्रेसनबाट पीडित थिए । उनले आफ्नै मोटरसाइकलबाट पेट्रोल निकालेर शरीरमा छर्किएर आत्मदाहको प्रयास गरेका हुन् ।