बजार घट्दा पनि कमाउन सकिने 'सर्ट सेलिङ' तीन महिनाभित्र आउने बोर्डको घोषणा

बजार घट्दा पनि नाफा बुक गर्न सकिने मानिएको 'सर्ट सेलिङ' को व्यवस्था तीन महिनाभित्र गर्ने नेपाल धितोपत्र बोर्डले उल्लेख गरेको छ।

बुधबार अर्थ समितिको बैठकमा धितोपत्र बोर्डका अध्यक्ष डा. गोपाल भट्टले भने, 'बजेटमा समेत आइसकेको 'सर्ट सेलिङ' भन्ने नयाँ उपकरण छिट्टै कायान्वयनमा ल्याउँदै छौं। बजार घट्छ भन्ने अनुमान गर्ने लगानीकर्ताले अरूसँग सेयर सापटी लिएर महँगोमा बेच्ने र पछि सस्तोमा किनेर फिर्ता गरी फाइदा कमाउन सक्नेछन्।'