ड्युटीमा फर्किएसँगै महानगर प्रहरीले जथाभावी पार्किङ हटाउन थाल्यो (तस्बिरहरू)

काठमाडौं । काठमाडौँ महानगरपालिकाको महानगर प्रहरी पुनः नियमित रूपमा फिल्डमा खटिन थालेको छ। ड्युटीमा फर्किएसँगै महानगर प्रहरीले बुधबार नयाँ सडक (न्युरोड) क्षेत्रमा जथाभावी पार्किङ गरिएका सवारीसाधन हटाउने अभियान सञ्चालन गरेको छ ।

महानगर प्रहरी बलका प्रमुख एवं नगर प्रहरी वरिष्ठ उपरीक्षक (एसएसपी) विष्णुप्रसाद जोशीका अनुसार हाल रिजर्भ फोर्सबाहेकका नगरप्रहरी नियमित रूपमा फिल्डमा परिचालित छन्। उनले सहरी सुव्यवस्था कायम गर्न महानगर प्रहरी आफ्नो जिम्मेवारीबाट पछि नहट्ने बताए।