सरकारको नयाँ ‘राष्ट्रिय विज्ञापन नीति २०८३’ लागू: फेसबुक, टिकटक, युट्युब र AI विज्ञापन अब कडा निगरानीमा

सरकारले विज्ञापन क्षेत्रलाई थप व्यवस्थित, पारदर्शी र उत्तरदायी बनाउन ‘राष्ट्रिय विज्ञापन नीति, २०८३’ स्वीकृत गरी सार्वजनिक गरेको छ। मन्त्रिपरिषद्बाट पारित नयाँ नीतिले डिजिटल प्लेटफर्म, सामाजिक सञ्जाल, इन्फ्लुएन्सर मार्केटिङ र कृत्रिम बुद्धिमत्ता (AI) बाट तयार हुने विज्ञापनलाई समेत नियमनको दायरामा ल्याउने व्यवस्था गरेको छ।

सरकारको लक्ष्य आगामी पाँच वर्षभित्र विज्ञापन क्षेत्रको कुल गार्हस्थ्य उत्पादन (GDP) मा योगदान उल्लेखनीय रूपमा बढाउनु रहेको छ। यसका लागि स्वच्छ, मर्यादित र विश्वासिलो विज्ञापन प्रणाली विकास गरिने नीतिमा उल्लेख छ।