साउन १ गतेबाट विद्यालय कर्मचारीसहितको जागिर जाँदै!

धनुषा- जनकनन्दिनी गाउँपालिकाले आर्थिक वर्ष २०८३/०८४ का लागि नयाँ निर्णय वा कार्य निरन्तरताको आदेश जारी नभएसम्म करार तथा ज्यालादारी कर्मचारीलाई साउन १ गतेदेखि काममा नलगाउने जनाएको छ।

गाउँ कार्यपालिकाको कार्यालय, खजुरीबाट प्रमुख प्रशासनिक अधिकृत सन्तोषकुमार शर्माद्वारा जारी सूचनामा गाउँपालिकाअन्तर्गतका विभिन्न शाखा, वडा कार्यालय, स्वास्थ्य संस्था तथा विद्यालयमा कार्यरत करार र ज्यालादारी कर्मचारीलाई अर्को आदेश नभएसम्म कार्यसम्पादनमा संलग्न नगराउन निर्देशन दिइएको छ।