निरंकुशताको लागि कपि–पेस्ट हुन्छ भने हिजो पनि बोल्थ्यौं, आज र भोलि पनि बोल्छौं : निश्कल राई

काठमाडौं : नेपाली कांग्रेसका सांसद निश्कल राईले आफूमाथि लागेको भाषण कपि–पेस्टको विषयमा बुधबारको प्रतिनिधिसभा बैठकमा जवाफ दिएका छन् ।

प्रतिनिधिसभाको बुधबारको बैठकमा बोल्दै सांसद राईले हिजो संसदको सम्बोधनमा आफूले कवि ब्रजेश खनालको कविताको अंश साभार गरेको बताउँदै भने, ‘निरंशुकताका लागि कपि–पेस्ट हुन्छ भने हिजो पनि बोल्थ्यौं, आज पनि बोल्छौं र भोलि पनि बोल्ने छौं । यी कविहरुका लागि सम्मान व्यक्त पनि गर्दछु ।’ सांसद राईले आजको प्रतिनिधिसभा बैठकमा आफ्नो जिल्ला इलामका सडकका समस्या समेत उठान गरेका छन् ।