दीपक धामी लगायतलाई विनाशर्त रिहाइ गर्न युवा सङ्घको माग

काठमाडौँ । नेकपा एमाले निकट राष्ट्रिय युवा सङ्घ नेपालले अनेरास्ववियुका अध्यक्ष दीपक धामी लगायतलाई अविलम्ब विना सर्त रिहाइ गर्न माग गरेको छ । धामीलगायत अनेरास्ववियुका ६ जना नेताहरूलाई प्रहरीले सिंहदरबार दक्षिण गेटमा प्रदर्शनका क्रममा पक्राउ गरेको थियो ।

युवा सङ्घले शान्तिपूर्ण आन्दोलनमा सहभागी अनेरास्ववियुका केन्द्रीय अध्यक्ष धामीलगायत विद्यार्थी नेतृत्वमाथि गरिएको गिरफ्तारीले सरकार जनताको आवाज सुन्ने क्षमता गुमाउँदै गएको र असहमतिलाई नै अपराधका रूपमा व्याख्या गर्ने मानसिकतामा पुगेको स्पष्ट देखाएको पनि बताएको छ ।