क्लाउडफ्लेयरको नयाँ एआई टुलले अब क्याप्चा पजलहरू घटाउने

३१ असार, काठमाडौं । क्लाउडफ्लेयर कम्पनीले वेबसाइटहरूमा आउने नक्कली सफ्टवेयर वा एआई रोबोटहरूलाई डिटेक्ट गर्न ‘प्रिकर्सर’ ल्याएको छ । यो सिस्टम हाल क्लाउडफ्लेयरका सबै ग्राहकका लागि भन्दा पनि ‘इन्टरप्राइज बट म्यानेजमेन्ट’ प्ल्यानमा रहेका ग्राहकहरूका लागि मात्र उपलब्ध छ ।

यसको मुख्य उद्देश्य हामीले वेबसाइट खोल्दा आउने पजल (क्याप्चा) घटाउनु रहेको छ । त्यो भनेको यसअघि आउने फोटोहरू छान्ने वा कोड राख्ने खेल ‘क्याप्चा’ कम देखिने गरी वेबसाइट चलाउन सकिनेछ ।