जिल्लाको फैसला त्रुटिपूर्ण रहेको दाबी गर्दै टेकनाथ रिजाल उच्च अदालत जाने

काठमाडौँ । नक्कली भुटानी शरणार्थी प्रकरणमा काठमाडौँ जिल्ला अदालतले सुनाएको फैसला विरुद्ध भुटानी शरणार्थी नेता टेकनाथ रिजाल उच्च अदालत जाने भएका छन्। रिजालका कानुनी सल्लाहकार अधिवक्ता राजकुमार सुवालले जिल्ला अदालतको फैसलामा गम्भीर कानुनी र व्यावहारिक त्रुटि रहेको भन्दै पूर्ण न्यायका लागि माथिल्लो तहको अदालतमा पुनरावेदन गरिने स्पष्ट पारेका हुन्।

जिल्ला अदालतले रिजाललाई सरकारी लिखत कीर्ते र सङ्गठित अपराधमा मतियारको रूपमा दोषी ठहर गर्दै २ वर्ष कैद र २० हजार रुपैयाँ जरिवानाको सजाय सुनाएको छ।