पुनरावेदन दिएमा थुना बाहिरै बसेर मुद्दा लड्न पाउँछन् बालकृष्ण खाण

काठमाडौँ। काठमाडौँ जिल्ला अदालतबाट नक्कली भुटानी शरणार्थी प्रकरणमा राज्यविरुद्धको कसुरमा मतियार ठहर भएका पूर्वगृहमन्त्री बालकृष्ण खाणले थुना बाहिरै बसेर मुद्दा लड्न पाउनेछन्।

जिल्ला अदालतका न्यायाधीश तेजबहादुर खड्काको इजलासले मङ्गलबार खाणलाई २ वर्ष कैद र २० हजार जरिवाना हुने फैसला सुनाएको छ। खाण यसअघि ८ महिना कैद सजाय बसिसकेका छन् । अदालतको फैसला अनुसार अब खाणले १ वर्ष ४ महिना जेल सजाय बस्नुपर्नेछ।