पुँजी बजार सुधारको स्पष्ट खाका खोज्दै सांसदहरू, अर्थ समितिद्वारा १० दिनभित्र प्रतिवेदन बुझाउन निर्देशन

काठमाडौँ। प्रतिनिधि सभाअन्तर्गतको अर्थ समितिको बैठकमा सांसदहरूले नेपाल धितोपत्र बोर्ड (सेबोन) सँग पुँजी बजारको दीर्घकालीन रणनीति, बजार सुधार, विदेशी लगानी आकर्षण, कर्पोरेट गभर्नेन्स र लगानीकर्ताको विश्वास अभिवृद्धि गर्नेबारे स्पष्ट कार्ययोजना माग गरेका छन्।

बैठकमा बोल्दै उनीहरूले सर्ट सेलिङ, नयाँ वित्तीय उपकरण कार्यान्वयन, बजारमा संस्थागत लगानीकर्ताको विस्तार, बैंक तथा पुँजी बजारबीचको समन्वय, लगानीकर्ताको मनोबल उकास्ने उपाय तथा नीतिगत स्थायित्वमा जोड दिएका हुन्।