रास्वपामा मनोनयनको सकस : ५१ पदका लागि रविसामु १०० भन्दा बढीको लिस्ट

काठमाडौँ- बुधबार बसेको राष्ट्रिय स्वतन्त्र पार्टीको नवनिर्वाचित केन्द्रीय कमिटीको बैठकमा केन्द्रीय कमिटी सदस्य र पदाधिकारीमा कसैलाई पनि मनोनित गरिएन । पार्टी महामन्त्री विपिनकुमार आचार्यका अनुसार बुधबार यसबारे बैठकमा छलफल अगाडि बढ्न सकेन । उनले पार्टी सभापति रवि लामिछानेलाई केन्द्रीय कमिटी, पदाधिकारी र सचिवालय टुंग्याउन अधिकार दिएकाले आवश्यकता अनुसार पदपूर्ति गर्दै जाने बताए ।