आज सेयर बजारमा हरियाली, ४ अर्ब १७ करोडमाथिको कारोबार

काठमाडौं । नेप्से परिसूचकमा आज सकारात्मक सुधार देखिएको छ। आजको कारोबार बन्द हुँदा नेप्से परिसूचक १४.०० अंक (अर्थात् ०.५४ प्रतिशत) ले वृद्धि भई २,५९०.२९ को विन्दुमा पुगेको छ।

आज बजारमा कारोबार रकममा पनि राम्रो उत्साह देखिएको छ। दिनभर कुल ३६२ वटा स्क्रिप्स (कम्पनी तथा डिबेन्चर) को ३८,८३६ पटकको कारोबारमा ८४ लाख ७३ हजार ०१६ कित्ता सेयर खरिदबिक्री भएका छन्। जसबाट कुल कारोबार रकम ४ अर्ब १७ करोड ३९ लाख ८ हजार ४९ रुपैयाँ ६४ पैसा पुगेको छ।