अस्थायी भन्दै ६ महिनादेखि एकै ठाउँमा फालिँदै पोखराको फोहोर

पोखरा । पोखराको फोहोर व्यवस्थापन झन्–झन् जटिल बन्दै गएको छ । पोखरा–३२ को खाल्डो भरिएपछि महानगरले गत फागुनदेखि वडा नं. २१ को रैचौर क्षेत्रमा फोहोर फाल्दै आएको छ ।

अस्थायी व्यवस्थापनका लागि भनेर सुरु गरिएको भए पनि यहाँ फोहोर फाल्न थालेको ६ महिना बितिसकेको छ । स्थानीयले यसले पर्यावरण र मानव स्वास्थ्यमा असर गरेको भन्दै पटक–पटक विरोध जनाइरहेका छन् ।