रास्वपाको प्रदेशसभा खारेजी प्रस्ताव: पुरानै केन्द्रीयतामा फर्कने सोच

रास्वपाले महाधिवेशनबाट प्रदेशसभा खारेजीसहित संघीयताको पुनर्संरचना गर्ने प्रस्ताव पारित गरेपछि मुलुकको राजनीति गर्माएको छ। पुराना दल, तराई–मधेसकेन्द्रित दल, नागरिक समाजका अभियन्ताले रास्वपाको प्रस्तावलाई ‘आत्मघाती’ हुन सक्ने चेतावनी दिन थालेका छन्। उनीहरूले त्रुटि सच्याएर अघि बढ्न सकिने भन्दै रास्वपा प्रस्तावलाई संविधानविपरीत र संघीयतामाथिको ठाडो हस्तक्षेप ठानेका छन्। रास्वपाका नेताले भने प्रदेशसभा खारेजी र संघीयताको पुनर्संरचना प्रस्तावलाई ‘जनस्तरबाट उठेको आवाज’ भनेका छन्।

सत्तारुढ राष्ट्रिय स्वतन्त्र पार्टी (रास्वपा) को प्रदेश संरचना खारेजी र संघीयताको पुनर्संरचना गर्ने तयारीप्रति विभिन्न राजनीतिक दलका नेता तथा सामाजिक क्षेत्रका अगुवाले असहमति जनाउँदै त्यस्तो भए देशमा मुठभेड निम्तिन सक्ने बताएका छन्। उनीहरूले त्यस्तो परिस्थिति निर्माण भएमा जिम्मेवारी रास्वपाले नै लिनुपर्ने चेतावनी दिएका छन्।