गाई गौशालाको जग्गामा ढल निकास नगर्न उच्च अदालतको आदेश

जनकपुरधाम : मञ्जुरी बिना गौशाला नगरपालिकाले ढल निकास गर्न खोजेपछि रोक्न गएका निगौल गाई गौशालाका कार्यालय प्रमुख कान्तिकुमारी पाण्डेको विवादमा उच्च अदालत जनकपुरले नगरपालिकाको नाममा निषेधाज्ञा आदेश जारी गरेको छ ।

उच्च अदालत जनकपुरले निगौल गाई गौशालाको जग्गामा मञ्जुरी बिना गौशाला नगरपालिकालाई हस्तक्षेप नगर्न दिएको आदेशको उल्लंघन गरेको बेलामा उच्च अदालतले पुनः १५ दिने म्यादसहितको लिखित जवाफ पेश गर्न भन्दै कुनै प्रकारको ढल निकास एवं पक्की नाला निर्माण गर्नेलगायतका कुनै कार्य तत्काल नगर्नु नगराउनु, निर्माण कार्य शुरु गरेको भए यथास्थितिमा राखु भनी आदेश गरेको हो ।