३ मिनेट सम्हालिन नसक्दा जितको मुखैमा पुगेर हारेको सेनेगल

काठमाडौँ । सेनेगलका प्रशिक्षक पापे थियावले फुटबललाई एक ‘क्रूर खेल’ को संज्ञा दिएका छन् । बुधबार सियाटलमा भएको विश्वकपको अन्तिम ३२ को खेलमा बेल्जियमसँग अप्रत्याशित रूपमा पराजित भएपछि उनले यस्तो भनेका हुन् ।

आज बिहान भएको खेलमा एउटा समय यस्तो पनि थियो, जहाँ सेनेगल २(० को सहज अग्रताका साथ जिततर्फ लम्किरहेको थियो । तर खेल सकिन ४ मिनेट बाँकी हुँदा बेल्जियमले ३ मिनेटको अन्तरालमा २ गोल गर्यो । यसपछि खेल अतिरिक्त समयमा धकेलियो । अतिरिक्त समयको अन्तिमतिर युरी टिलेमन्सले पेनाल्टीमार्फत गोल गरेपछि बेल्जियम ३–२ ले विजयी भयो ।