शुक्लाफाँटाका विस्थापितको समस्या सुल्झाउन चार सदस्यीय समिति गठन 

काठमाडौँ । कृषि, वन तथा वातावरण मन्त्री गीता चौधरीले शुक्लाफाँटा राष्ट्रिय निकुञ्जबाट विस्थापित परिवारहरूको दीर्घकालीन समस्या समाधानका लागि चार सदस्यीय अध्ययन समिति गठन गरेकी छन्।

मन्त्रालयका अनुसार यो समितिलाई हालसम्म गठन भएका विभिन्न आयोगका सिफारिसहरूको गहिरो अध्ययन गरी एक महिनाभित्र विस्थापित परिवारको उचित व्यवस्थापनका लागि स्पष्ट मार्गचित्र तयार गर्ने जिम्मेवारी दिइएको छ। समितिले समस्या समाधानका ठोस उपाय, कार्यान्वयनका तरिका तथा आवश्यक सिफारिसहरू सरकारसमक्ष पेस गर्नेछ।