किभमा रूसको मिसाइल र ड्रोन आक्रमणमा कम्तीमा ८ जनाको मृत्यु

किभ । रूसले बुधबार राति युक्रेनको राजधानी किभमा व्यापक मिसाइल र ड्रोन आक्रमण गरेको छ । यस आक्रमणमा कम्तीमा ८ जनाको मृत्यु भएको तथा २५ जना घाइते भएका छन् ।

घाइतेमध्ये केही बालबालिका पनि रहेका छन् । किभ सैन्य प्रशासनका प्रमुख तिमुर ट्काचेन्कोका अनुसार आक्रमणले आवासीय क्षेत्रमा ठूलो क्षति पु‍र्याएको छ। उनले रूसले जानाजानी सर्वसाधारणलाई लक्षित गरी आक्रमण गरेको आरोप लगाएका छन् ।