कोरोना संक्रमित स्वास्थ्यकर्मी : जसले पाँच सय ७५ जनाको स्वाब संकलन गरे 

माेहन विष्ट

कञ्चनपुर

२०७७ श्रावण २२ बिहीबार १०:५२:००

चार महिनादेखि प्रतयक्ष रुपमा स्वाव संकलनमा खटिएका एक स्वास्थ्यकर्मीलाई कोरोना पोजेटिभ पुष्टि भएको छ । शुक्लाफाँटा नगरपालिकामा कार्यरत ल्याब असिष्टेन्टको पिसिआर विधिबाट गरिएको स्वाब परीक्षणमा कोरोना पोजेटिभ देखिएको हो ।

सेती प्रादेशिक अस्पतालले सार्वजनिक गरेको विवरण अनुसार शुक्लाफाँटा नगरपालिका ४ कञ्चनपुर भनिएका ४१ वर्षीय व्यक्ति नै जनस्वास्थ्यकर्मी भएको पुष्टि भएको हो ।

भारतबाट फर्किएका सहित नगरपालिकाका अन्यको स्वाब संकलनमा खटिएका उनको  पनि स्वाब संकलन गरेर सेती प्रादेशिक अस्पताल पठाइएको थियो ।

स्वाब संकलनमा खटिएका स्वाथ्यकर्मीलाई कोरोना पुष्टि भएको शुक्लाफाँटा नगरपालिका कोडिभ १९ का संयोजक प्रमानन्द भट्टले जानकारी दिए ।

संक्रमित स्वास्थ्यकर्मीलाई आइसोलेसनमा राखिएको र उनको अवस्था सामान्य  रहेको भट्टले बताए ।

#कोरोना

# स्वास्थ्यकर्मी

# स्वाब