छाया कम्प्लेक्स सम्बन्धित बहस : निजी क्षेत्र हतोत्साही

काठमाडौँ । ठमेलस्थित छाया कम्प्लेक्सका सम्बन्धमा लामो समयदेखि बहस हुँदै आएको छ । न्यायालयसम्म पुगेको विषयलाई लिएर सामाजिक सञ्जालदेखि चोक-चौतारो, मिडियासम्ममा बहसमात्र हैन, ठहर तथा फैसलासरह निष्कर्ष आउने गरेको छ ।

नेपालको पर्यटन क्षेत्रलाई अन्तर्राष्ट्रियस्तरमा उचाइ दिने, एकै ठाउँमा विविध पर्यटकीय केन्द्र बनाउने उद्देश्यसहित निर्माण गरिएको आधुनिक व्यावसायिक कम्प्लेक्समाथिको यस्तो बहसले केवल एउटा भवन वा व्यवसायीलाई मात्र होइन, नेपालको समग्र लगानी, वातावरण र पर्यटन बजारलाई नै प्रभावित पार्ने अवस्था सिर्जना गरेको उद्योगी-व्यवसायी बताउँछन् ।