सक्रिय राजनीतिमा रहेका पदाधिकारी र सदस्यलाई पद छाड्न रेडक्रसको अपिल

काठमाडौँ । नेपाल रेडक्रस सोसाइटी (नेरेसो) ले कुनै पनि तहका समितिका पदाधिकारी र सदस्यहरू राजनीतिक दल वा तिनका भ्रातृ सङ्गठनका विभिन्न पदमा बहाल रहेको भए रेडक्रसको संलग्नताबाट तत्काल अलग हुन अनुरोध गरेको छ।

नेपाल रेडक्रस सोसाइटीको विधान २०२० (अठारौँ संशोधन २०८२ सहित) को दफा ७२ अनुसार सक्रिय राजनीतिमा संलग्न तथा राजनीतिक दलका विभिन्न निकाय र शासकीय संरचनाका पदाधिकारी वा सदस्यहरू रेडक्रसको कुनै पनि तहको समिति, आयोग र उपसमितिमा बस्न नपाउने व्यवस्था छ।