क्रियाशील सदस्यता वितरणमा सघाउन जिल्ला अध्यक्षहरूलाई तरुण दलको निर्देशन

१८ असार, काठमाडौं । नेपाली कांग्रेसको भ्रातृ संगठन नेपाल तरुण दलले पार्टीबाट खटिएका केन्द्रीय प्रतिनिधिहरूसँग आवश्यक समन्वय गरेर क्रियाशील सदस्यता अद्यावधिक र वितरण अभियानलाई प्रभावकारी रूपमा सञ्चालन गर्न मातहतलाई अनुरोध गरेको छ ।

अध्यक्ष मनिष कोइरालाले बिहीबार तरुण दलका जिल्ला अध्यक्षहरूलाई परिपत्र गरेर क्रियाशील सदस्यता अद्यावधिक र वितरणका लागि ७७ वटै जिल्लामा पार्टीबाट खटिएका प्रतिनिधिहरूसँग समन्वय गरेर अभियान प्रभावकारी रूपमा सञ्चालन गर्न अनुरोध गरेका हुन् ।