स्वास्थ्य संस्थामा बेथिति: म्याद गुज्रिएका करोडौंका औषधि मौज्दात, महँगा उपकरण प्रयोगविहीन

महालेखापरीक्षकको कार्यालयले विभिन्न सरकारी अस्पतालमा म्याद गुज्रिएका ९ करोड रुपैयाँबराबरका औषधि भएकाले प्रतिस्थापन गर्न भनेको छ । त्यस्तै उसले करोडौं रुपैयाँ स्वास्थ्य उपकरण पनि प्रयोगमा नल्याइएकाले प्रभावकारी प्रयोगमा ल्याउन सुझाएको छ।

म्याद सकिएका ती औषधि आपूर्तिकर्ताबाट प्रतिस्थापन नगरी लामो समयदेखि अस्पतालमै राखिएका हुन् । प्रयोगमा आउन सक्ने उपकरण पनि थन्काएर राखिएका हुन् । सरकारी अस्पतालमा भएको यस्तो बेथितिबाट राज्यलाई ठुलो आर्थिक भार परेको छ।