बजेट ल्याएको आधा महिना बित्दा पनि रातो किताब आएन

सुर्खेत । कर्णाली प्रदेश सरकारको बजेट सार्वजनिक भएको आधा महिना बितिसक्दा पनि आर्थिक मामिला तथा योजना मन्त्रालयले रातो किताब ल्याएको छैन । रातो किताबबिना नै बजेट पारित गर्न खोजेपछि प्रतिपक्षी दलहरूले सरकारमाथि प्रश्न उठाइरहेका छन् ।

असार १ गते प्रदेश सरकारले आगामी आर्थिक वर्षको बजेट प्रदेश सभामा पेस गरेको थियो । कुन मन्त्रालयमा कति बजेट दिइयो, कुन जिल्ला तथा क्षेत्रमा कुन योजना दिइयो र तिनको बजेट अङ्कको विस्तृत विवरण रातो किताबमा मात्र हुन्छ ।