सबै प्रदेशमा राष्ट्रिय विधि विज्ञान प्रयोगशाला विस्तार गरिने

काठमाडौँ । विज्ञान, प्रविधि तथा नवप्रवर्तन मन्त्री महावीर पुनले देशका सातै प्रदेशमा राष्ट्रिय विधि विज्ञान प्रयोगशालाको शाखा विस्तार गरिने बताएका छन्। बिहीबार संसदीय समितिमा भएको विधेयकमाथिको छलफलमा उनले हाल चार वटा शाखा सञ्चालनमा रहेकोमा यसै वर्ष थप दुई वटा नयाँ शाखा स्थापना गर्ने लक्ष्य रहेको स्पष्ट पारे।

मन्त्री पुनले शाखाहरू केवल खोल्नका लागि मात्र नभई अत्याधुनिक उपकरण र जनशक्तिसहित पूर्ण रूपमा सक्षम हुनुपर्नेमा जोड दिए। साथै, स्थानीय स्वार्थ र विवाद आउन सक्ने भएकाले यी शाखाहरू केन्द्र सरकार मातहत नै चल्ने र स्थानीय तहमा तत्काल शाखा नखोलिने उनले स्पष्ट पारे।