रास्वपा महाधिवेशनमा प्रयोग भएको ‘भोटिङ मेसिन’बारे भ्रम फैलाइएकोमा रामलक्ष्मणको आपत्ति

काठमाडाैं । चितवनमा हालै सम्पन्न राष्ट्रिय स्वतन्त्र पार्टी (रास्वपा) को प्रथम महाधिवेशनमा प्रयोग गरिएको नेपाली प्रविधिको विद्युतीय मतदान मेसिनका सम्बन्धमा सामाजिक सञ्जाल र केही सञ्चारमाध्यममा भ्रम फैलाइएको भन्दै प्रविधि विकासकर्ता रामलक्ष्मण रिमालले गम्भीर ध्यानाकर्षण भएको जनाएका छन् ।

विगत १३ वर्षदेखि नेपालमै विद्युतीय मतदान प्रणालीको अनुसन्धान र विकास गर्दै आएका रिमालले बिहीबार एक प्रेस विज्ञप्ति जारी गर्दै प्राविधिक यथार्थभन्दा बाहिर गएर गरिएका टिप्पणीहरूले आम नागरिकमा भ्रम पैदा गरेको स्पष्ट पारेका हुन् ।